“Prinsesa ng Banyera†to be extended after first season
Nag-react ang production staff ng ABS-CBN soap opera na Prinsesa ng Banyera, na pinagbibidahan nina Kristine Hermosa at Angelika dela Cruz, sa naisulat na hanggang isang season lang ang itatagal ng kanilang programa. Pinabulaanan ng ABS-CBN Corporate PR Directress na si Lorie Dionisio-Piravalasamy ang naturang balita sa pamamagitan ng text message sa PEP (Philippine Entertainment Portal). “Next season of [Prinsesa ng] Banyera is in the works. It is definitely extended and the creative team has reserve stories that can go as long as half a year, if necessary. Successful po kasi ang Banyera, not only with viewers but with advertisers especially, because lagi siyang almost full load,†pahayag ni Ms. Lorie.
Ayon pa kay Ms. Lorie, wala pa raw definite date kung kailan sisimulan ang second season ng Prinsesa ng Banyera. Pero hindi naman daw tatapusin ang first season kundi itutuloy lang beyond the initial 13 weeks.
Para patunayan na mag-e-extend ang Prinsesa ng Banyera, may balita na ipapasok ang nali-link ngayon kay Kristine na si Oyo Sotto. Madalas daw kasing “nakabantay†si Oyo sa taping ni Kristine, so might as well na isama na rin siya sa cast.
“May plans pero wala pang definite,†text ulit ni Ms. Lorie tungkol sa napapabalitang pagpasok ni Oyo sa Prinsesa ng Banyera.
JULIE BONIFACIO
Philippine Entertainment Portal
